Federata e Sindikatave të Shëndetësisë gjatë ditës së sotme ka pasur në plan mbajtjen e kongresit për zgjedhjen e kryetarit të ri, dy nënkryetarëve si dhe kryetarin e Bordit Drejtues.

Por kongresi është ndërprerë për shkak të tensioneve të krijuara në mes anëtarëve të kësaj sindikate.

Hemorragjia pas lindjes së fëmijës, këta janë faktorët e rrezikut që sjellin deri te shkaku i gjendjes

Gazeta Shneta ka siguruar disa pamje brenda kongresit në momentin kur është krijuar tollovia ku dëgjohen sharje, fyerje, e akuza për keqpërdorim të milionave në FSSHK.

Kandidate për kryetare e dal nga procesi zgjedhor i kandidaturave në FSSHK ishte Tevide Imeri, e cila kishte marr nënshkrimet e nevojshme sipas statutit nga regjionet e sindikatës.

Ndërkaq Blerim Syla nuk kishte arritur të merrte nënshkrimet e nevojshme. Ai e ka quajtur proces të parregullt dhe me shkelje ligjore, duke thënë se do të shpallte kandidaturën e tij në kongres.

Por kongresi u ndërpre për shkak të tensioneve. Imeri ka deklaruar sot për Gazetën Shneta se ka marr kërcënime nga Blerim Syla. Ndërkaq ky i fundit ka mohuar se ka kërcënuar, teksa ka thënë se procesi është udhëhequr jashtëligjshmë nga një person i cili tanimë ka dal në pension.